ისტორიული სოფელი აღმოსავლეთ საქართველოში, ქვემო ქართლში, ახლანდელი თეთრიწყაროს მუნიციპალიტეტის ტერიტორიაზე. 1707-1709 წლებში შედგენილი სიგელის მიხედვით, მტრისგან აოხრებული უზნარიანი მეფე ვახტანგ VI-მ განაახლა და კარწახის ნათლისმცემლის ეკლესიას შესწირა. 1719 წელს გლეხები ამხედრდნენ მონასტრის წინააღმდეგ და მეფე ბაქარი იძულებული გახდა ისინი ძალით დაემორჩილებინა.